لگتا ہے آج کے7 ووٹ انکے حامیوں نے بدنیتی سے خراب کیے، پریذائیڈنگ افسر

طریقہ کار کے مطابق امیدوار کے نام کے سامنے خالی جگہ پر مہر لگانی ہوتی ہے، سینیٹر مظفر حسین کی میڈیا سے گفتگو
اسلام آباد(آئی این پی)پاکستان کے ایوان بالا(سینیٹ) میں چیئرمین اور ڈپٹی چیئرمین کے انتخاب میں پریذائیڈنگ افسر سینیٹر مظفر حسین شاہ نے کہا ہے کہ اپوزیشن سمجھتی ہے کہ فیصلہ درست نہیں تو عدالتیں کھلی ہوئیں ہیں۔جمعہ کو میڈیا سے گفتگو میں مظفر حسین شاہ کا کہنا تھا کہ لگتا ہے کہ آج کے7 ووٹ ان کے حامیوں نے بدنیتی سے خراب کیے، ہماری صبح سے شام تک کی کارروائی پر کوئی اعتراض نہیں آیا۔انہوں نے کہا کہ طریقہ کار کے مطابق امیدوار کے نام کے سامنے خالی جگہ پر مہر لگانی ہوتی ہے، اگر وہ سمجھتے ہیں فیصلہ درست نہیں تو عدالتیں کھلی ہوئیں ہیں۔ان کا کہنا تھاکہ صدر مملکت نے مجھے ان کے یا میرے کہنے پر نہیں آئین کے مطابق مقرر کیا تھا۔