نواز شریف پاکستان واپس آ کر عدلیہ سے کئے وعدے پورے کرے صدر مملکت

download-74.jpg

سابق وزیراعظم نے باہر جانے کی وجہ بیماری بتائی ، ان کے واپس نہ آنے کی وجہ کیا ہے ، بتایا جائے نوازشریف نے آپریشن کس مسئلے کا کرانا ہے؟
سب ملکی ادارے اکٹھے اور کرپشن کے خلاف ہیں ،نیب کی کوشش ہے کہ ملک میں احتساب ہو اور ہونا چاہیے، نجی ٹی وی چینل کو انٹرویو
اسلام آباد(آئی این پی) صدر مملکت ڈاکٹر عارف علوی نے کہا ہے کہ،نوازشریف نے باہر جانے کی وجہ بیماری بتائی ، ان کے واپس نہ آنے کی وجہ کیا ہے ، بتایا جائے نوازشریف نے آپریشن کس مسئلے کا کرانا ہے؟کیا وہاں بیٹھ کر قیادت کرنے سے اسکی صحت بہتر ہو جائے گی ، نوازشریف عدلیہ (باقی صفحہ7بقیہ نمبر31)
سے کئے گئے وعدے پورے کریں اور بذات خود آ کر اپنے کیسز کی پیروی کریں، سب ملکی ادارے اکٹھے اور کرپشن کے خلاف ہیں ،نیب کی کوشش ہے کہ ملک میں احتساب ہو اور ہوتا رہنا چاہیے، پاکستانی خواتین میں چھاتی کے کینسر کا مرض بڑا مسئلہ بن چکا ہے۔جمعہ کو نجی ٹی وی چینل کو انٹرویو دیتے ہوئے صدر مملکت ڈاکٹر عارف علوی نے کہا کہ ملکی ادارے اکٹھے ہیں ،سب کرپشن کے خلاف ہیں ،نیب کوشش کر رہا ہے کہ ملک میں احتساب ہو اور ہوتا رہنا چاہیے ۔انہوں نے کہا کہ احتساب بلاتفریق ہونا چاہیے ،عالمی مالیاتی قوانین کے تحت دنیا بھر میں اثاثوں کے بارے میں جواب دینا ہوتا ہے ،نوازشریف نے باہر جانے کی وجہ بیماری بتائی ، ان کے واپس نہ آنے کی وجہ کیا ہے ، انہیں پلیٹلیٹس کا مسئلہ تھا ،بتایا جائے نوازشریف نے آپریشن کس مسئلے کا کرانا ہے؟کیا وہاں بیٹھ کر قیادت کرنے سے نوازشریف کی صحت بہتر ہو جائے گی ،عدلیہ سے کئے وعدے پورے کریں ، بذات خود آ کے اپنے کیسز کی پیروی کریں ۔صدر ڈاکٹر عارف علوی نے کہا کہ حکومت نوازشریف کو واپس لانے کی کوشش کر رہی ہے ،اپوزیشن نے اداروں پر جیسے تنقید کی اس پر افسوس ہے ، یہ پاکستان کی بدنامی کا باعث ہے ،اپوزیشن کا الزام غلط ہے کہ حکومت آرڈیننس پر چل رہی ہے ،نوازشریف کو قومی اداروں کو بدنام نہیں کرنا چاہیے ،وعدے کے مطابق وطن واپس آکر عدالتوں کا سامنا کریں ۔انہوں نے کہا کہ ملک میں جو بھی انتشار پیدا کرے گا میں اس کے خلاف ہوں ، مجھے یقین ہے کہ موجودہ حکومت اپنی مدت پوری کرے گی ۔صدر مملکت نے کہا کہ ملک میں مہنگائی 14فیصد سے کم ہو کر 9فیصد پر آگئی ہے ،ملک میں مہنگائی کم کرنے کی کوشش کی جا رہی ہے ،حکومت کی کارکردگی سے مطمئن ہوں ۔انہوں نے کہا کہ کورونا وباء کے خلاف علماء اورمیڈیا سمیت ہر ایک نے اہم کردارادا کیا ہے ،دنیا بھر میں کورونا بحران کی وجہ سے بیروزگاری میں اضافہ ہوا ہے ، پاکستان اب بہتری کی طرف آرہا ہے ۔چھاتی کے سرطان کے حوالے سے انہوں نے کہا کہ پاکستانی خواتین میں چھاتی کے کینسر کا مرض بڑا مسئلہ بن چکا ہے ، بروقت تشخیص سے اس بیماری سے چھٹکارا پایا جاسکتا ہے ، خواتین نوزائیدہ بچوں کو اپنا دودھ پلا کر کینسر سے محفوظ رہ سکتی ہیں ۔
صدر مملکت

شیئر کریں

Top