اسلام آباد:پاکستان اور بھارت کے درمیان جوہری تنصیبات اور سہولیات کی فہرست کا سالانہ تبادلہ ہوا۔
ترجمان دفتر خارجہ کے مطابق پاکستان میں جوہری تنصیبات اور سہولیات کی فہرست بھارتی ہائی کمیشن کے نمائندے کے حوالے کی گئی۔ادھر بھارتی جوہری تنصیبات اور سہولیات کی فہرست بھارتی وزارت خارجہ کی جانب سے نئی دلی میں پاکستانی ہائی کمیشن کے نمائندے کے حوالے کی گئی۔
دفتر خارجہ کے مطابق فہرستوں کا تبادلہ دوطرفہ جوہری تنصیبات، سہولیات پر عدم حملے کے معاہدے کے تحت ہوا اور دونوں ممالک ہرسال یکم جنوری کو ایک دوسریکواپنی جوہری تنصیبات،سہولیات سے آگاہ کرتے ہیں، یکم جنوری 1992 سے یہ سلسلہ جاری ہے۔
