کوسٹ گارڈز اور کسٹمز کی کاروائیاں ، کروڑوں روپے کی منشیات پکڑ لی

pakistan-coast-guards-seize-3-510-kg-charas-in-balochistan-1588858789-4007.jpg

کراچی(آئی این پی ) پاکستان کوسٹ گارڈز اور کسٹم نے مختلف کارروائیوں میں منشیات اسمگلنگ کی کوشش ناکام بناتے ہوئے کروڑوں کی منشیات پکڑ لی۔ ترجمان کوسٹ گارڈز کے مطابق ناکہ کھاری چیک پوسٹ پردوران چیکنگ کوچ سے 43.80 کلو گرام کرسٹل برآمد کی گئی ہے اس کے علاوہ ضبط شدہ منشیات میں 37.65 کلو گرام چرس،29.80 کلو گرام ہیروئن، 12.30 کلوگرام آئس، 6.15 کلوگرام افیون شامل ہے۔ ترجمان کا کہنا ہیکہ اسمگلروں نے پہاڑوں میں منشیات بیرون ملک اسمگلنگ کیلیے چھپائی تھی جب کہ کارروائی میں 4 اسمگلرز کو گرفتار کیا گیا ہے۔ دوسری جانب ترجمان کسٹمز کے مطابق ڈرگ انفورسمنٹ سیل نے دوران چیکنگ اندرون ملک سے بیرون ملک جانے والے پارسلز کی چیکنگ کے دوران کراچی سے برمنگھم (UK) بھیجے جانے والے نان اسٹک کوکنگ پینز کے پارسل سے ہیروئن برآمد کرلی۔ ترجمان نے بتایا کہ ہیروئن کھانا پکانے کے نان اسٹک کوکنگ پینز کے سیٹ میں موجود ایک پتیلی کے پیندے میں بنائے گئے خفیہ خانے میں چھپائی گئی تھی۔ترجمان کے مطابق اعلی کوالٹی کی ہیروئن کی قیمت 45 لاکھ روپے ہے جسے تحویل میں لے کر ملزم کے خلاف مقدمہ درج کرلیا گیا ہے۔
٭٭٭٭٭

شیئر کریں

Top