گلگت بلتستان سمیت ملک بھر میں شہدا ئے پشاور لواحقین سے اظہار یکجہتی کیلئے پرامن مظاہرے ، ریلیاں

گلگت ،کھر منگ،شگر،استور (نمائندگان بادشمال )قاد ملت جعفریہ پاکستان و نماندہ ولی فقیہ علامہ سید ساجد علی نقوی کی اپیل پر سانحہ پشاور قصہ خوانی بازار جامع امامیہ مسجد میں خودکش دھماکے کے خلاف اور شہدا۔ زخمیوں کے لواحقین سے اظہار یکجہتی کے لیے ملک بھر کی طرح گلگت بلتستان بھر میں بھی احتجاجی ریلیاں اور احتجاجی مظاہرے شیعہ علما کونسل۔ جے ایس او اور جعفریہ یوتھ کے زیر اہتمام گلگت، دنیور، نگر، استور سکردو سمیت متعدد علاقوں میں احتجاجی مظاہرے اور ریلیاں نکالی گئیں گلگت میں مرکزی جامع امامیہ مسجد گلگت اور دنیور سے بعد از نماز ظہرین احتجاجی ریلیاں نکالی گی علما ء سمیت عوام کی کثیر تعداد میں شرکت کی ریلی کے شرکا کا دہشتگردوں اور حکومت کے خلاف شدید نعرے بازی ریاستی اداروں۔ وفاقی و صوبائی حکومت سے و اقعے میں ملوث دھشتگردوں سے آہنی ہاتھوں سے نمٹنے کا مطالبہ احتجاجی ریلی سے شیعہ علما کونسل گلگت ڈویژن کے آرگنازر شیخ قیصر عباس،صدر مرکزی انجمن امامیہ گلگت بلتستان بلال حسین، رہنما مرکزی انجمن امامیہ شیخ کرامت حسین۔ شیخ شرافت ولایتی و دیگر نے خطاب کیا۔ دریں اثناء ضلع کھرمنگ کے مختلف علاقوں میں احتجاجی مظاہرے کیے گئے سرلینگ مہدی آباد سے بعد از نماز ظہرایں سید ہادی الموسوی کی قیادت میں احتجاجی دھرنا مہدی آباد بازار میں منقعد ہوا غاسنگ تا ہلال آباد کے عوام نے حسینی چوک مادھورپور پہ دھرنا دیا طولتی میں بعد ازں نماز ظہرایں طولتی بازار میں احتجاجی دھرنا دیا اسطرح محاذ ایریا ترکتی میں بھی احتجاجی دھرنا دے کر ظالموں کے خلاف اور شہدا ئے پشاور کے حق میں نعرہ بازی کی۔ دریں اثناء علمائے کرام کا سانحہ پشاور کے بعددہشت گردی کی مذمت کے بجائے انتقام لینے کا اعلان،حکومت ہماری صبر کو کمزوری نہ سمجھے ۔ حکومت دہشت گردی ختم نہیں کرسکتا اور شیعہ نسل کشی نہیں روک سکتے تو ہمیں خود دہشت گردوں سے بدلہ لینے کی اجازت دیدیں،پشاور آخری سانحہ ہوگا۔اس کے بعد خون کا بدلہ خون ہوگا۔شیعہ تنظیموں کے زیر اہتمام سانحہ پشاور کیخلاف بعد نماز ظہرین خانقاہ معلی سے احتجاجی ریلی نکالی گئی ۔ حسینی چوک پر مظاہرین سے خطاب کرتے ہوئے سید طہٰ الموسوی، شیخ اشرف حسین شگری، شیخ زکاوت نصرالدین ، شیخ نثار مہدی اور محمد ظہیر عباس نے کہا کہ موجودہ حکومت شیعہ نسل کشی روکنے میں مکمل ناکام ہوچکے ہیں۔دریں اثناء کب تک لاشیں اٹھائیں گے مزید لاشیں اٹھانے کی ہمت نہیں سیکورٹی ادارے ، ایجنسیاں مسجد و امام باگاہوں کی حفاظت کو یقینی بنائیں شہیدوں کی فیملیز کے لئے امداد فراہم کرے ہم حیران ہے کی دنیا کی تیز ترین اور پہلے نمبر پر ہونے کا دعوہ کرنے والی ایجنسیز کو دہشت گردوں کا پتہ کیوں نہیں ہوتا ہے۔۔ قصہ خوانی بازار پشاور سانحہ کے خلاف استور اتحاد چوک میں بڑا تاریخی جلسہ مرکزی امامیہ کونسل استور ، سپریم علما کونسل ، آئی او ،آئی ایس اواور مرکزی رابطہ کمیٹی استور کی جانب سے علامہ شیخ حفاظت علی جعفری اور آغا سید زالحسنین کی سربراہی میں بڑا تاریخی احتجاجی دھرنہ و مظاہرہ مرکزی امامیہ کونسل کی جانب سے قرارداد پیش کی گئی
دوسرا انٹرو
اسلام آباد (بادشمال نیوز)قائد ملت جعفریہ پاکستان علامہ سید ساجدعلی نقوی کے اعلا ن پر شیعہ علماکونسل پاکستان، جعفریہ اسٹوڈنٹس آرگنائزیشن پاکستان سمیت دیگر مذہبی تنظیموں نے وفاقی دارالحکومت اسلام آباد، پنجاب سندھ، خیبر پختونخوا ، کشمیر ،گلگت بلتستان سمیت ملک بھر کے تمام شہروں میں شہداء پشاور کے لواحقین سے اظہار یکجہتی کرتے ہوئے پرامن احتجاجی مظاہرے کئے اور ریلیاں نکالی گئیں ۔ تفصیلات کے مطابق قائد ملت جعفریہ علامہ ساجد نقوی کی جانب سے تین روزہ سوگ اور اتوار کو ملک گیر احتجاج کے اعلان پر چاروں صوبوں سمیت آزاد کشمیر اور گلگت بلتستان میں بلا تفریق مسلک بھرپور اور انتہائی مہذب انداز میں پرامن احتجاج کرتے ہوئے جامع مسجد امامیہ کوچہ رسالدار قصہ خوانی پشاور میں نماز جمعہ کے دوران ہونے والے خود کش بم دھماکے کے نتیجے میں کثیر تعداد میں نمازیوں کی شہادت اور سینکڑوں شدید زخمی ہونے پر اظہار یکجہتی کرتے ہوئے المناک واقعے پرشدید غم و غصے کا اظہار کیا گیا اوراس سفاکیت اور وحشت و درندگی کو ملک کی داخلی سلامتی اور قومی وحدت کو پارہ پارہ کرنے کی منظم سازش سے تعبیر کیا گیا احتجاجی اجتماعات جلسے جلوسوں اور مظاہروں میں بڑی تعداد میں مذہبی سیاسی سماجی اور مختلف شعبہ ہائے زندگی سے وابستہ افرادبڑی تعداد میں شریک ہوئے اور اس ظلم و بربریت پر سراپا احتجاج نظر آئے۔شیعہ علماکونسل پاکستا ن کے مرکزی سیکریٹری جنرل علامہ شبیر حسن میثمی کے مطابق قائد ملت جعفریہ کے حکم پر شیعہ علماکونسل پاکستان اور جے ایس اوکے مرکزی ، صوبائی ، ڈویژن ، ضلع ،تحصیل و یونٹ کے عہدیداران کی قیادت میں ملک بھر میں احتجاجی ریلیاں نکالی گئیں۔ احتجاجی اجتماعات کراچی ،کوئٹہ، لاہور، راولپنڈی، پشاور، گلگت، بلتستان ،مظفر آباد،پاراچنار،کوہاٹ، ڈیرہ اسماعیل خان، ایبٹ آباد، حیدرآباد،سکھر،شکارپور،خیرپور، اندرون سندھ ،ملتان، خانیوال، ساہیوال،ڈیرہ غازی خان، لیہ ، مظفر گڑھ ، راولپنڈی،چکوال فیصل آبا، جھنگ، چنیوٹ ، بہاولپور ،گوجرانوالہ، سیالکوٹ ، جہلم ، اٹک سمیت پنجاب کے تمام چھوٹے بڑے شہروں مظفر آباد کوٹلی باغ میرپور سکردو جعفر آباد سبی اوستہ محمد سمیت ملک بھر کے تمام تحصیل ہیڈکواٹرز میں عوام نے پرامن احتجاجی مظاہروں میں شرکت کرکے اتحاد و وحدت کا بھرپور مظاہرہ کیا اور اسلام و پاکستان دشمن قوتوں کو واضح پیغام دیا کہ اس قسم کے بزدلانہ ہتھکنڈوں کے ذریعے فرقہ وارانہ ہم آہنگی اور اخوت و برادری کی فضا کو خراب کرنے کی کوئی کوشش کامیا ب نہیں ہوسکتیں۔علامہ شبیر حسن میثمی کے مطابق شیعہ علما کونسل پاکستان کے مرکزی صوبائی ڈویژنل ضلع و تحصیل کے رہنماں نے احتجاجی مظاہروں کی قیادت کی اور تقاریر اور قراردادوں میں مطالبہ کیا کہ شہریوں کے تحفظ کو یقینی بناتے ہوئے سانحہ پشاور مسجدخود کش حملے میں ملوث سفاک قاتلوں انکے سرپرستوں اور منصوبہ بندی کرنے والوں کو قانون کے شکنجے میں جکڑکر تختہ دار پر لٹکایا جائے ۔