آخری سانسیں لیتے دہشتگردوں کی باقیات کو ختم کر کے دم لیں گے،شبلی فراز
لاہور(آئی این پی ) وفاقی وزیر اطلاعات و نشریات شبلی فراز نے کہا ہے کہ دفاع وطن اور ملک میں قیام امن کے عظیم مقاصد کیلئے اپنی جانوں کا نذرانہ پیش کرنے والے بہادر قوم کے قابل فخر سپوت ہیں۔ سماجی رابطے کی ویب سائٹ پر ٹوئٹر پر سینیٹر شبلی فراز نے کرتے ہوئے کہا کہ جنوبی وزیرستان میں 4 فوجی جوانوں کی شہادت پر بے حد افسوس ہے، شہدا کے اہل خانہ کے صبر و استقلال و جرات کو سلام، آخری سانسیں لیتے دہشتگردوں کی باقیات کو ختم کر کے دم لیں گے۔