مسلم لیگ ن کی نائب صدر مریم نواز نے وزیر اعظم عمران خان کی میچ دیکھتے ہوئے تصویر پر کڑی تنقید کی ہے۔
مریم نواز کی جانب سے گزشتہ روز عمران خان کی سعودی عرب میں وزراء کے ہمراہ میچ دیکھنے کی تصویر شیئر کی گئی اور انہوں نے تصویر پر اپنا تبصرہ بھی پیش کیا۔
انہوں نے لکھا کہ ملک میں خلقِ خدا بھوک، مہنگائی اور نا اہلی سے مر رہی ہے اور ان کو دیکھو!
ملک میں خلقِ خدا بھوک، مہنگائی اور نااہلی سے مر رہی ہے اور ان کو دیکھو! بے ضمیری اور بے حسی کا اگر چہرہ ہوتا تو ایسا ہوتا ! pic.twitter.com/Huo5TKoelz
— Maryam Nawaz Sharif (@MaryamNSharif) October 24, 2021
مریم نواز نے اپنی ٹوئٹ میں مزید کہا کہ بے ضمیری اور بے حسی کا اگر چہرہ ہوتا تو ایسا ہوتا۔
یاد رہے کہ عمران خان نے گزشتہ شام پاک بھارت ٹاکرا اپنے وفاقی وزیروں اور مشیروں کے ساتھ سعودی عرب میں دیکھا۔
گزشتہ روز کھیلے گئے میچ میں پاکستان نے بھارت کو 10 وکٹوں سے شکست دی تھی جس پر وزیراعظم عمران خان نے پوری ٹیم کو مبارکباد بھی دی تھی۔
