سام سنگ کا نیا اور ‘سستا’ فلیگ شپ فون گلیکسی ایس 20 ایف ای پاکستان میں پری آرڈر میں فروخت کے لیے پیش کردیا گیا ہے۔

49.jpg

یہ فون سام سنگ نے 23 ستمبر کو ایک آن لائن ایونٹ کے دوران متعارف کرایا تھا جو کہ ایس 20 سیریز کے دیگر فونز سے کافی سستا مگر فیچرز کے لحاظ سے کافی حد تک ان سے ملتا جلتا ہے۔

فلیگ شپ فیچرز سے لیس اس فون کو متعارف ہی اس مقصد سے کرایا گیا کیونکہ سام سنگ کے خیال میں ہر فرد کسی فلیگ شپ فون کے لیے ایک ہزار ڈالرز خرچ نہیں کرسکتا۔

فلیگ شپ فیچرز سے لیس اس فون کو متعارف ہی اس مقصد سے کرایا گیا کیونکہ سام سنگ کے خیال میں ہر فرد کسی فلیگ شپ فون کے لیے ایک ہزار ڈالرز خرچ نہیں کرسکتا۔

اس فون میں 6.5 انچ فلیٹ ڈسپلے دیا گیا ہے جو ایس 20 سے بڑا مگر ایس 20 پلس سے کم ہے تاہم کواڈ ایچ ڈی پلس کی بجائے ایف ایچ ڈی پلس سپورٹ فراہم کرتا ہے جیسا گلیکسی اے 71 میں دیا گیا، جبکہ 120 ریفریش ریٹ دیا گیا ہے۔

اس میں ایس 20 کی طرح 8 جی بی ریم کی بجائے 6 جی بی ریم دی گئی ہے تاہم 128 جی بی اسٹوریج فلیگ شپ ورژن جتنی ہی ہے۔

اسی طرح فلیگ شپ فون والا اسنیپ ڈراگون 865 پراسیسر (5 جی ورژن کے لیے)بھی دیا گیا ہے جبکہ ایکسینوس 990 پراسیسر 4 جی ماڈلز کے لیے ہوگا، بیٹری کو 4000 ایم اے ایچ سے بڑھا کر 4500 ایم اے ایچچ کردیا گیا ہے۔

اس میں ڈسٹ اور واٹر ریزیزٹنٹ ایس 20 جیسے ہی ہیں جبکہ اینڈرائیڈ 10 آپریٹنگ سسٹم کا امتزاج کمپنی نے اپنے ون یو آئی 2.5 سے کیا ہے۔

فون میں بیک پر 3 کیمروں کا سیٹ اپ موجود ہے جس میں مین کیمرا 12 میگا پکسل کا ہے جبکہ 12 میگا پکسل الٹرا وائیڈ اور 8 میگا پکسل ٹیلی فوٹو کیمرے بھی موجود ہیں۔خیال رہے کہ ایس 20 میں ٹیلی فوٹو کیمرا 64 میگا پکسل کا ہے۔

اس فون کے فرنٹ پر 32 میگا پکسل سیلفی کیمرا دیا گیا ہے اور اب یہ پاکستان میں پری آرڈر میں دستیاب ہے۔

اس کی قیمت ایک لاکھ 19 ہزار 999 روپے رکھی گئی ہے جس کے ساتھ کمپنی کی جانب سے گلیکسی فٹ 2 تحفے کے طور پر دیا جائے گا، جس کی قیمت 8 ہزار 700 روپے ہے۔

شیئر کریں

Top