روہت شرما کیساتھ موازنہ نہ کیا جائے، حیدر علی

news-1602155126-2701.jpg

قومی ٹیم کے بلے بازوںبابر اعظم اور حفیظ دونوں کے ساتھ پارٹنر شپ بنانا چاہتا ہوں
راولپنڈی(آئی این پی)پاکستانی کرکٹ ٹیم کے نوجوان بلے باز حیدر علی نے کہا ہے کہ میراروہیت شرما سے کوئی موازنہ نہیں ہے۔پاکستا ن کے 20 سالہ بلے باز حیدر علی کی جانب سے سماجی رابطے کی ویب سائٹ ٹوئٹر پر ایک ٹوئٹ کے ذریعے اپنے مداحوں سے سوال پوچھنے کے لیے کہا گیا۔حیدر علی کے مداحوں نے اْن کا ’ آسک‘ ٹوئٹ دیکھتے ہی اْن پر سوالوں کی بارش کر دی جس کے حیدر علی نے جوابات دیئے۔جارحانہ بیٹسمین کے طور پر اْبھرنے والے حیدر علی سے ایک ٹوئٹر صارف نے سوال کیا گیا کہ اْن کا پسندیدہ کپتان اور کھلاڑی کون ہے جس پر حیدر علی کا جواب دیتے ہوئے بتایا کہ عمران خان اْن کے پسندیدہ کپتان ہیں کھلاڑیوں میں وہ بھارتی کرکٹر روہیت شرما اور پاکستانی سابق کھلاڑی اور حالیہ وزیر اعظم عمران خان ہیں۔ایک ٹوئٹر صارف نے حیدر علی سے پوچھا گیا کہ اْن کی پسندیدہ غذا کونسی ہے جس پر حیدر علی نے بتایا کہا ’اْن کی پسندیدہ غذا بکرے کا گوشت ہے۔حیدر علی کے سوال جواب کے اس سیشن کے دوران بتانا تھا کہ وہ پاکستانی کھلاڑی بابر اعظم اور حفیظ دونوں کے ساتھ پارٹنر شپ بنانا چاہتے ہیں۔اننگ کے آغاز سے متعلق سوال کا جواب دیتے ہوئے حیدر علی نے کہا کہ وہ عمران خان کے ساتھ اننگ کی اوپننگ کرنا چاہتے ہیں۔ایک ٹوئٹر صارف کی جانب سے پوچھا گیا کہ حیدر علی کا پاکستانی کرکٹ ٹیم میں پسندیدہ بولر کونسا ہے۔
جس پر انہوں نے جواب میں محمد عامر کا نام لیا۔حیدر علی کا مزید سوالوں کے جوابات دیتے ہوئے بوم بوم شاہد خان آفریدی سے متعلق بات کرتے ہوئے کہنا تھا کہ شاہد آفریدی ایک جارحانہ اور لیجنڈ کھلاڑی ہیں۔

شیئر کریں

Top