پنجاب میں 13اسپیشل اکنامک زون بننے سے صنعتی انقلاب آئے گا وزیر اعلیٰ پنجاب

images-85.jpeg

صنعت وتجارت کو فروغ دے کر روزگار کے مواقع پیدا کیے جائیں گے، صوبائی حکومت ہر ممکن اقدامات جاری رکھے گی
صنعتی زون کے قیام سے خطے کی معاشی تقدیر بدل دیں گے، ڈی جی خان میں پنجاب اسمال انڈسٹریز کارپوریشن کا جلد افتتاح ہوگا
لاہور(آئی این پی ) وزیراعلی پنجاب عثمان بزدار نے کہا ہے کہ صوبے میں صنعت وتجارت کو فروغ دے کر روزگار کے مواقع پیدا کیے جائیں گے، پنجاب میں 13اسپیشل اکنامک زون بننے سے صنعتی انقلاب آئے گا۔ تفصیلات کے مطابق وزیراعلی پنجاب عثمان بزدار سے ملتان چیمبرآف (باقی صفحہ7بقیہ نمبر56)
کامرس کے سابق صدرخواجہ جلال الدین نے ملاقات کی، اس موقع پر جنوبی پنجاب میں صنعت وتجارت کے فروغ سے متعلق تبادلہ خیال کیا گیا۔ ملاقات کے موقع پر جلال الدین رومی نے ڈی جی خان میں صنعت وتجارت کے فروغ کے عزم کا اظہار کیا۔ وزیراعلی کا کہنا تھا کہ پنجاب میں13اسپیشل اکنامک زون بننے سے صنعتی انقلاب آئے گا، صنعت وتجارت کو فروغ دے کر روزگار کے مواقع پیدا کیے جائیں گے، صوبائی حکومت ہر ممکن اقدامات جاری رکھے گی۔ انہوں نے کہا کہ تاجر اور صنعت کار برادری کے لیے بزنس فرینڈلی ماحول فراہم کیا گیا ہے، مظفرگڑھ میں بڑا انڈسٹریل زون بنانے کی منصوبہ بندی کرلی ہے۔ عثمان بزدار کا مزید کہنا تھا کہ اس صنعتی زون کے قیام سے خطے کی معاشی تقدیر بدل دیں گے، ڈی جی خان میں پنجاب اسمال انڈسٹریز کارپوریشن کا جلد افتتاح ہوگا۔
وزیراعلی پنجاب

شیئر کریں

Top