اقلیتیں غیر محفوظ ،مودی سرکار کے روئیے سے پڑوسی نالاں ہیں :وزیر خارجہ

pakistans-foreign-minister-shah-mahmood-qureshi-tests-positive-for-coronavirus.jpg

بھارت میں ریپبلک ڈے کی پریڈ میں ٹینک نہیں ٹریکٹر نظر آئے،ہندوستان میں مسلمان، بنگالی، دلت کوئی محفوظ نہیں
سیکولرازم دبتا ہوا اور ہندوتوا سوچ ابھرتی دکھائی دے رہی ہے، نیپال، چین، بنگلہ دیش سب کے ساتھ بھارت کا رویہ بدلا ہوا ہے
اسلام آباد (آئی این پی ) وزیر خارجہ شاہ محمود قریشی نے کہا ہے کہ دنیا بھر میں کشمیری سراپا احتجاج ہیں، ہندوستان میں جمہوریت کی بجائے کالے قوانین کا نفاذ ہے، اقلیتیں غیر محفوظ جبکہ مودی سرکار کے رویئے سے پڑوسی نالاں ہیں،بھارت میں ریپبلک ڈے کی پریڈ میں ٹینک نہیں ٹریکٹر نظر آئے،ہندوستان میں مسلمان، بنگالی، دلت کوئی محفوظ نہیں ۔ منگل کو وزیر خارجہ شاہ محمود قریشی نے یوم سیاہ کے حوالے سے اپنے بیان میں کہا ہے کہ آج بھارت کا یوم جمہوریہ یومِ سیاہ کے طور پر منایا جا رہا ہے، آئین کے تحت کشمیریوں کو دیا گیا تشخص چھین لیا گیا، کشمیری سراپا احتجاج ہیں کہ ان کے بنیادی آئینی حقوق سلب کر لیے گئے، بھارت میں ریپبلک ڈے کی پریڈ میں ٹینک نہیں ٹریکٹر نظر آ رہے ہیں، آج دلی کی طرف ہندوستان کے کسان مارچ کر رہے ہیں۔ شاہ محمود قریشی کا کہنا تھا کہ مودی سرکار کی منفی پالیسیوں کے باعث بھارت کی معیشت کی صورتحال بگڑ چکی، بھارت میں آج اقلیتیں خود کو غیر محفوظ محسوس کر رہی ہیں، ہندوستان میں مسلمان، بنگالی، دلت کوئی محفوظ نہیں، آج کے بھارت میں سیکولرازم دبتا ہوا اور ہندوتوا سوچ ابھرتی دکھائی دے رہی ہے، نیپال، چین، بنگلہ دیش سب کے ساتھ بھارت کا رویہ بدلا ہوا ہے، ہندوستان اسی رویئے کے باعث تیزی سے اپنے پڑوسی ممالک سے دور ہو رہا ہے۔
وزیر خارجہ

شیئر کریں

Top