ایڈیٹر آئی این پی طارق سمیر کی والدہ کی وفات پرتعزیت کیلئے آنے والوں کا تانتا

مشاہد حسین سید، مرتضیٰ جاویدعباسی اور امتیاز رانجھا سمیت کئی اہم سیاسی مذہبی وسماجی شخصیات کااظہارافسوس ،مرحومہ کے ایصال ثوا ب، لواحقین کے صبرجمیل کی دعا
اسلام آباد/راولپنڈی (آئی این پی) ملک کے معروف وسینئر صحافی اور انڈیپنڈنٹ نیوز پاکستان(آئی این پی) کے ایڈیٹر طارق محمود سمیر کی والدہ کے انتقال پر تعزیت کے لئے آنے والو ں کا سلسلہ جاری ہے جس میں مسلم لیگ (ن)کے مرکزی رہنما و سی پیک پارلیمانی کمیٹی کے سربراہ مشاہد حسین سید، مرتضیٰ جاویدعباسی اور امتیاز رانجھا سمیت کئی اہم سیاسی ، مذہبی وسماجی شخصیات نے ایڈیٹر آئی این پی سے ان کی والدہ کی وفات پر تعزیت کااظہار کرتے ہوئے مرحومہ کے ایصال ثوا ب کے لئے دعا کی ۔ تفصیلات کے مطابق ملک کی بڑے خبررسا ں ادارے (آئی این پی) کے ایڈیٹر اور سینئرصحافی طارق محمود سمیراور آر آئی یوجے (دستور ) کے صدر کے انتقال پر تعزیت کے لئے آنے والو ں کا سلسلہ جاری ہے۔ مسلم لیگ (ن)کے مرکزی رہنما و سی پیک پارلیمانی کمیٹی کے سربراہ مشاہد حسین سید،(ن) لیگ کے رہنما و سابق ڈپٹی اسپیکر قومی اسمبلی مرتضیٰ جاویدعباسی ، راحت قدوسی ،مسلم لیگ (ق) کے چوہدری امتیازاحمد رانجھا ، مصطفی ملک ، آزادکشمیر قانون سازاسمبلی کے رکن افضل خالق وصی اورسابق میئر راولپنڈی سردار نسیم سمیت پی ٹی آئی ، مسلم لیگ (ن)، پیپلزپارٹی ، مسلم لیگ (ق) اور دیگرسیاسی ومذہبی جماعتوں کے رہنماؤں سمیت کئی اہم شخصیات نے ایڈیٹر آئی این پی سے ان کی والدہ کے انتقال پر گہرے دکھ اور افسوس کا اظہار کرتے ہوئے مرحومہ کے درجات کی بلندی اور اہلخانہ کے صبرجمیل کی دعا کی ۔ انہوں نے طارق محمود سمیر اور حاجی نواز رضا سے دلی تعزیت کا اظہار کرتے ہوئے مرحومہ کی وفات کو ان کے اہلخانہ کے لیے عظیم صدمہ قرار دیا اور دعا کی کہ اللہ تعالی مرحومہ کے درجات بلند فرمائے اور لواحقین کو اس ناقابل تلافی نقصان کو برداشت کرنے کی توفیق عطاکرے ۔کئی شخصیات نے ایڈیٹر آئی این پی کی رہائش گاہ پر پہنچ کر جبکہ بعضنے ٹیلیفون کے ذریعے تعزیت کااظہار کیا۔ واضح رہے کہ حاجی محمد نوازرضا اور طارق محمود سمیر کی والدہ 21 فروری بروز اتوارطویل علالت کے بعد خالق حقیقی سے جا ملیں ، ان کی نماز جنازہ اتوار کو مصریال چوک میں ادا کی گئی اور انہیں آبائی قبرستان میں ہزاروں اشک بار آنکھوں کے ساتھ سپرد خاک کیا گیا۔نماز جنازہ میںمسلم لیگ( ن )کے چیئرمین سینیٹرراجہ محمد ظفر الحق، سویٹ ہوم کے چیئرمین زمرد خان، سابق ایم این اے ملک ابرار احمد، آزاد کشمیر کے وزیر حافظ احمد رضا قادری، قانون ساز اسمبلی آزاد کشمیر کے رکن عبدالرشید ترابی، ممتاز ٹرانسپورٹر میاں انجم قریشی، میاں طاہر قریشی اور سربراہ انجمن بہبود حجاج بابو عمران قریشی، مسلم لیگ( ن )کے رہنما حافظ فاروق خٹک، سمیت صحافیوں، سیاسی رہنماوں، اہل علاقہ اور عزیز واقارب سمیت ہزاروں افراد نے شرکت کی ۔

شیئر کریں

Top