عام آدمی کو اپنا گھر اور ریلیف کی فراہمی حکومت کی اولین ترجیح ہے،گورنر پنجاب

MuhammadSarwar-.jpg

اپوزیشن کو ایک دوسرے پر اور عوام کو اپوزیشن پر اعتبار نہیں، وفاقی اور صوبائی بجٹ بھی حکومت آسانی سے منظور کرالے گی، گورنر پنجاب چوہدری محمد سرور کا بیان
لاہور(آئی این پی ) گورنر پنجاب چوہدری محمد سرور نے کہا ہے کہ عام آدمی کو اپنا گھر اور ریلیف کی فراہمی حکومت کی اولین ترجیح ہے، اپوزیشن کو ایک دوسرے پر اور عوام کو اپوزیشن پر اعتبار نہیں، وفاقی اور صوبائی بجٹ بھی حکومت آسانی سے منظور کرالے گی۔ اپنے بیان میں چوہدری محمد سرور نے کہا کہ کہ سیاسی مخالفین کا کوئی ایک مقف نہیں سب کا اپنا اپنا بیانیہ ہے، وزیر اعظم عمران خان کا کوئی ذاتی اور سیاسی ایجنڈا نہیں، ملکی ترقی کو دنیا تسلیم کررہی ہے اپوزیشن میں نہ مانوں کی سیاست کررہی ہے، سفارتی محاذ پر پاکستان نے فلسطینیوں کا بھر پور مقدمہ لڑا ہے۔ گورنر نے بتایا کہ ریکوڈک عمل درآمد کیس میں پاکستان کو بڑی کامیابی ملی ہے، انتخابی اصلاحات کے لیے حکومتی اقدامات عوامی امنگوں کی ترجمانی کرتے ہیں، دنیا میں امن کی کنجی مسئلہ فلسطین اور کشمیر کے حل میں ہے۔ اپنے بیان میں چوہدری محمد سرور نے مزید کہا کہ عام آدمی کو چھت اور ریلیف کی فراہمی حکومتی اولین ترجیح ہے، پہلی بار قومی اداروں میں اصلاحات کیلئیعملی کام ہو رہا ہے، احساس پروگرام میں شفافیت اور میرٹ 100فیصد یقینی بنایا جارہا ہے۔

شیئر کریں

Top