طالبان نے سابق حکومت میں اعلیٰ عہدوں پر فائز کئی افراد کے اکاؤنٹس بند کر دیے

Afghanistan.jpg

طالبان نے سابق افغانستان حکومت سے تعلق رکھنے والے کئی حکام کے بینک اکاؤنٹس منجمد کر دیے۔

افغان خبر رساں ادارے طلوع کے مطابق طالبان کے ثقافتی کمیشن کے رکن انعام اللہ سمنگانی نے بتایا کہ گزشتہ حکومت کے لیے کام کرنے والے کچھ افراد کے بینک اکاؤنٹس منجمد کیے گئے ہیں۔

طالبان رہنما نے ان افراد کے نام ظاہر کیے بغیر بتایا کہ جن افراد کے اکاؤنٹس بند کیے گئے ہیں ان میں سے زیادہ تر ملک سے فرار ہو چکے ہیں۔

دوسری جانب افغانستان کے مرکزی بینک (دا افغانستان بینک) کی جانب سے سوشل میڈیا پر جاری بیان میں کہا گیا ہے کہ کچھ وزراء، نائب وزراء، گورنرز، ڈپٹی گورنرز، اراکین پارلیمنٹ، اراکین صوبائی کونسل، میئرز اور وی آئی پیز کے دیگر بینکوں میں اکاؤنٹس بند ہونے چاہئیں اور اس حوالے سے رپورٹ مرکزی بینک کو پیش کی جانی چاہیے تاہم بینک حکام نے اس حوالے سے میڈیا سے کوئی بات نہیں کی۔

افغان شہریوں کا بھی کہنا ہے کہ ان لوگوں کے بینک اکاؤنٹس بند ہونے چاہئیں اور یہ واضح ہونا چاہیے کہ ان کے بینک اکاؤنٹس میں کتنی رقم موجود ہے۔

شیئر کریں

Top