اسٹار ٹریک کے اداکار خلا کا چکر لگانے والے معمر ترین شخص بن گئے

FBlKdb7XMAUwp-D.jpeg

اسٹار ٹریک کے اداکار ولیم شیٹنر خلا کا چکر لگانے والے دنیا کے معمر ترین شخص بن گئے۔

غیر ملکی میڈیا کے مطابق جیف بیزوز کی کمپنی بلو اوریجن کی خلا میں دوسری سیاحتی پرواز میں اسٹار ٹریک کے اداکار ولیم شیٹنر سمیت 4 افراد خلا میں روانہ ہوئے۔

راکٹ کے ذریعے ولیم شیٹنر سمیت 4 شہری ٹیکساس کے اسٹیشن سے روانہ ہوئے اور چاروں خلابازوں نے تقریباً 3 سے 4 منٹ تک زیرو گریویٹی کا تجربہ کیا اور خلا کی عالمی تسلیم شدہ حد کے اوپر سفر کیا۔

غیر ملکی میڈیا کا کہنا ہے کہ تقریباً 10 منٹ میں ٹیم کا کیپسول پیراشوٹ کے ذریعے ٹیکساس کے صحرا میں واپس آیا۔

اس سفر کے بعد 90 سالہ شیٹنر خلا میں جانے والے سب سے زائد عمر کے شخص بن گئے ۔

واضح رہے بلواوریجن کی شہریوں کو خلا میں لے کر جانے والی یہ دوسری پرواز ہے۔

شیئر کریں

Top