افغانستان میں پیٹرول اور ڈیزل کی قیمت کیا ہے؟

266759_8598316_updates.jpg

پاکستان میں پیٹرولیم مصنوعات کی قیمتوں میں اضافے کے بعد کئی حکومتی اراکین قیمتوں کا موازنہ دیگر پڑوسی ممالک کے ساتھ کر رہے ہیں اور ایسے میں اِس وقت معاشی بحران کا شکار افغانستان میں پیٹرول اور ڈیزل کی قیمتیں کیا ہیں؟

افغانستان کی سرکاری ایجنسی کے مطابق کابل کے بازاروں میں گیس کی فی کلو قیمت 82 افغانی جبکہ ایک لیٹر پیٹرول 72 افغانی اور فی لیٹر ڈیزل کی قیمت 63 افغانی ہے۔

اگر پیٹرول اور ڈیزل کی قیمت پاکستانی روپوں میں موازنہ کریں تو پیٹرول 137 روپے اور ڈیزل 120 روپے فی لیٹر ہے۔

خیال رہے کہ طالبان کے برسراقتدار آنے کے بعد افغانستان میں معاشی بحران جاری ہے اور ماہرین کا کہنا ہے کہ انسانی المیہ بھی جنم لے سکتا ہے۔

دوسری جانب پاکستان میں حکومت نے عوام پر بجلی بم گرادیا ہے اور پیٹرولیم مصنوعات کی قیمتوں میں 12 روپے 44 پیسے فی لیٹر تک اضافہ کیا ہے۔

پیٹرولیم مصنوعات کی قیمتوں میں اضافے کے بعد بعض سوشل میڈیا صارفین کی جانب سے دیگر ممالک سے قیمتوں کا موازنہ کیا جارہا ہے۔

شیئر کریں

Top