ماہرہ خان نے اپنی پرانی تصاویر شیئر کردیں

123-129.jpg

کراچی: بین الاقوامی شہرت یافتہ پاکستانی اداکارہ ماہرہ خان نے اپنی پرانی اور ان دیکھی تصاویر مداحوں کے ساتھ شیئر کردیں۔

اداکارہ ماہرہ خان اپنے مداحوں کے ساتھ سوشل میڈیا پلیٹ فارمز کے ذریعے رابطے میں رہتی ہیں جہاں وہ آئے روز اپنی تصاویر یا کام سے متعلق فینز کو آگاہ کرتی ہیں۔
ماہرہ خان نے اب سماجی رابطے کی سائٹ انسٹاگرام اسٹوریز پر پرانی فوٹو البم میں محفوظ کی گئی اپنی تصاویر شیئر کیں جن میں وہ اپنی دوستوں اور رشتے داروں کے ساتھ موجود ہیں۔

فلموں میں بطور ہیرو کام کرنے والے بلال اشرف نے ڈرامے میں انٹری کیوں دی؟

3-2.png

کراچی: مشہور پاکستانی فلموں جانان، ایک ہے نگار، رنگ ریزا، یلغار اور سپر اسٹار جیسی بڑی فلموں میں ہیرو کا کردار کرنے والے لالی ووڈ اداکار بلال اشرف جلد اپنے کیرئیر کے پہلے ڈرامے میں اداکاری کے جوہر دکھاتے نظر آئیں گے۔

حال ہی میں ایک نجی ویب سائٹ کو دیئے انٹرویو میں بلال اشرف نے مایا علی اور ڈرامے کے ہدایتکار احتشام الدین کو ڈرامہ کرنے کی وجہ قرار دیتے ہوئے کہا کہ انہیں اس سے قبل بھی کئی مرتبہ ڈراموں کی پیشکش ہوئی مگر اس مرتبہ وہ نہ نہیں کر سکے۔
بلال کا کہنا تھا کہ ان کا رجحان ڈرامے کی طرف اس لئے نہیں ہے کیونکہ ڈرامے میں ایک دن میں کئی کئی سین کی عکس بندی کی جاتی ہے، جبکہ فلم میں ایک یا دو سین ہی ہوتے ہیں۔ بلال اشرف کا کہنا تھا کہ مگر پاکستانی ڈرامے اپنی ہیئت میں ایک ادارے کی حیثیت رکھتے ہیں، ان سے بہت کچھ سیکھنے کو ملتا ہے اور وہ اپنی صلاحتیوں میں اضافہ کرنا چاہتے ہیں اس لئے پہلی مرتبہ ڈرامہ کرنے کا انتخاب کیا۔

ہم بھارتی فلموں اور بھارت ہمارے ڈراموں کا مقابلہ نہیں کر سکتا، عدنان صدیقی

3-1.png

دبئی: پاکستان شوبز کے سینئر اداکار عدنان صدیقی کا کہنا ہے کہ بہترین ڈرامے بنانے میں کوئی پاکستان کا مقابلہ نہیں کر سکتا۔

حال ہی میں عدنان صدیقی پاکستان کرکٹ ٹیم کے آل راؤنڈر عماد وسیم کے ہمراہ ایکسپریس انٹرٹینمنٹ پر نشر کئے جانے والے پروگرام ’دی مرزا ملک شو‘ میں شریک ہوئے۔
شو کے دوران کئی دلچسپ سیگمنٹس میں حصہ لیتے ہوئے اور سوالات کا بھرپور جواب دیتے ہوئے عدنان صدیقی اور عماد وسیم ثانیہ مرزا اور شعیب ملک کے پروگرام سے خوب لطف اندوز ہوئے۔
مشہور ڈرامے ’میرے پاس تم ہو‘ میں اہم کردار نبھانے والے عدنان صدیقی نے کہا کہ میرے پاس تم ہو کی کہانی ایک ایسے شخص کے بارے میں تھی جو عورتوں سے جھوٹ نہیں بولتا تھا، کہانی وقت سے پہلے کی نہیں تھی، یہ چیزیں موجود ہیں پاکستانی ڈراموں میں بہترین اسٹوری ٹیلنگ کی جاتی ہے اور ان کہانیوں کے پیچھے مقصد ہوتا ہے۔
پاکستانی ڈراموں اور بھارتی فلموں پر تبصرہ کرتے ہوئے عدنان صدیقی نے کہا کہ پاکستانی ڈراموں کی مثال ایسی ہے جیسے بھارتی فلموں کی ہے ہم بھارت کی فلموں کا مقابلہ نہیں کرسکتے بلکل اس ہی طرح بھارت ہمارے جیسے ڈرامے نہیں بنا سکتا۔
بھارتی ٹینس اسٹار اور پاکستان کرکٹ ٹیم کے آل راؤنڈر شعیب ملک کی اہلیہ ثانیہ مرزا نے بھی پاکستانی ڈراموں کو سراہتے ہوئے کہا کہ انہیں بھی پاکستانی ڈرامے پسند ہیں اور وہ ڈرامے دیکھتی ہیں۔

فواد خان اور وسیم اکرم کی فلم ’منی بیک گارنٹی‘ کا ٹیزر جاری

123-128.jpg

کراچی: پاکستان کے سپر اسٹار فواد خان اور وسیم اکرم کی فلم ’منی بیک گارنٹی‘ کا ٹیزر جاری کر دیا گیا۔

یوٹیوب سمیت سوشل میڈیا پلیٹ فارمز پر جاری کئے گئے ایکشن اور کامیڈی سے بھرپور فلم ’منی بیک گارنٹی‘ کے ٹیزر میں فواد خان کو وسیم اکرم کی اہلیہ شنیرا اکرم کے ساتھ مزاحیہ انداز میں رقص کرتے دیکھا جا سکتا ہے۔
اس میگا بجٹ فلم کے ٹیزر کو دیکھ کر یہ عندیہ ملتا ہے کہ شائقین کو نہ صرف بھرپور ایکشن بلکہ سسپنس کے ساتھ ساتھ کامیڈی بھی دیکھنے کو ملے گی۔
علاوہ ازیں گزشتہ دنوں جاری کئے گئے فلم کے ٹریلر میں سب ہی اداکاروں کو پیسے لوٹتے، ایک دوسرے کے خلاف سازش کرکے ایک دوسرے سے دولت کو چھیننے کی کوشش کرتے دکھایا گیا جبکہ ایک گینگ کو بڑی مہارت کے ساتھ بینک میں جمع دولت کو چراتے دیکھایا گیا تھا۔
اس فلم کی میگا کاسٹ میں وسیم اکرم اور ان کی اہلیہ سمیت جاوید شیخ، فواد خان، عائشہ عمر، فیصل قریشی، میکال ذوالفقار، جان ریمبو، حنا دلپذیر، گوہر رشید، علی سفینا، مانی، کرن ملک سمیت دیگر اداکار شامل ہیں۔
فیصل قریشی کی ہدایتکاری میں بننے والی یہ فلم رواں سال عید الفطر پر سنیما گھروں کی زینت بنے گی۔

شوہر کی بے وفائی پر بھارتی اداکارہ راکھی ساونت میڈیا کے سامنے رو پڑیں

123-88.jpg

ممبئی: بھارتی اداکارہ راکھی ساونت اپنے شوہر عادل درانی کے مبینہ افیئر پر میڈیا افراد کے سامنے آبدیدہ ہوگئیں۔

راکھی ساونت نے میڈیا سے گفتگو میں بتایا کہ ان کے شوہر عادل کا ایک لڑکی کے ساتھ افیئر چل رہا ہے اور قرآن کی قسمیں کھانے کے باوجود میرے شوہر نے اس سے تعلق ختم نہیں کیا ہے۔
انہوں نے میڈیا نمائندوں سے درخواست کی کہ وہ عادل کا انٹرویو کرکے اسے شہرت نہ دیں، اس موقع پر اداکارہ نے میڈیا کے سامنے ہاتھ بھی جوڑے اور وہ جذبات کی شدت سے رو پڑیں۔
راکھی ساونت نے بتایا کہ وہ لڑکی میرے شوہر کو بلیک میل کررہی ہے، میرے پاس تمام ثبوت موجود ہے لیکن میں ان کو ابھی منظر عام پر نہیں لانا چاہتی۔
اداکارہ نے چند روز قبل دعویٰ کیا تھا کہ ان کی شادی خطرے میں ہیں اور وہ وقت آنے پر لوگوں کو اس سے آگاہ کریں گی۔
راکھی ساونت کا کہنا تھا کہ عادل کو انڈسٹری میں آنا تھا اس لئے اُس نے میرا استعمال کیا، وہ جم کیلئے نہیں بلکہ انٹرویو کیلئے یہاں آئے گا اور میں نہیں چاہتی کہ ایسا ہو۔
واضح رہے کہ راکھی ساونت کی شادی کا اعلان پچھلے ماہ ہی ہوا تھا اور اس پر بہت تنازعہ کھڑا کیا گیا تھا، اداکارہ نے شادی کیلئے اسلام بھی قبول کیا تھا۔

کیارا اور سدھارتھ ملہوترا رواں ہفتے شادی کرنے والے ہیں، بھارتی میڈیا

123-87.jpg

ممبئی: بھارتی میڈیا نے دعویٰ کیا ہے کہ بالی ووڈ کی اداکارہ کیارا ادوانی اور اسٹوڈنٹ آف دی ائیر اسٹار سدھارتھ ملہوترا جلد شادی کرنے والے ہیں۔

بھارتی میڈیا کی مختلف رپورٹس کے مطابق کیارا اپنے قریبی دوست اور ساتھی اداکار سدھارتھ ملہوترا کے ساتھ رواں ہفتے رشتہ ازدواج میں منسلک ہونے والی ہیں اس مشہور بی ٹاؤن جوڑی کی شادی کی تقریبات کا آغاز 5 فروری سے ہوگا جبکہ 7 فروری تک تقریبات کا سلسلہ جاری رہے گا۔
دوسری جانب جیسلمیر میں واقع سوریا گڑھ پیلس ہوٹل نے بھی بالواسطہ طور پر سدھارتھ ملہوترا اور کیارا ادوانی کی شادی کی تصدیق کی ہے جہاں ان کی شادی کی تقریبات منعقد ہونے والی ہیں۔
حال ہی میں شادی کے بندھن میں بندھنے والے کے ایل راہول اور اتھیا شیٹی کی شادی کی طرح اس خوبصورت جوڑی کی شادی میں بھی قریبی رشتہ داروں اور خاص دوستوں کو مدعو کیا گیا ہے۔
یاد رہے کہ فلم شیر شاہ میں ایک ساتھ کام کرنے کے بعد کیارا اور سدھارتھ ملہوترا کے درمیان قربتیں بڑھ گئی تھیں یہ دونوں اداکار کئی سالوں سے ایک دوسرے کو ڈیٹ کر رہے ہیں تاہم تاحال انہوں نے اپنے اس رشتے کا باقاعدہ طور پر اعلان نہیں کیا ہے۔

عدالت نے اہلیہ کی شکایت پر نوازالدین صدیقی کو نوٹس جاری کر دیا

123-86.jpg

ممبئی: بالی ووڈ اداکار نوازالدین صدیقی کو عدالت نے اُن کی اہلیہ عالیہ صدیقی کی جانب سے شکایت درج کرانے کے بعد نوٹس جاری کر دیا ہے۔

بھارتی میڈیا رپورٹ کے مطابق مشہور اداکار نواز الدین صدیقی کی اہلیہ عالیہ صدیقی نے پولیس اسٹیشن میں اپنا بیان ریکارڈ کرواتے ہوئے اپنے شوہر کے خلاف شکایت درج کروائی تھی کہ نوازالدین اور ان کے اہل خانہ انہیں کھانا، بستر اور باتھ روم جیسی دیگر بنیادی سہولیات فراہم نہیں کر رہے۔
اس سے قبل نواز الدین صدیقی کی والدہ مہرونیسا صدیقی نے اداکار کی اہلیہ کے خلاف ایف آئی آر درج کرواتے ہوئے یہ دعویٰ کیا تھا کہ عالیہ نواز الدین کی بیوی نہیں ہے اور اس کا ان کے بیٹے کی جائیداد میں کوئی حصہ نہیں ہے۔
جس پر عالیہ کے وکیل نے بھارتی میڈیا کو بتایا کہ عالیہ نواز الدین صدیقی کی قانونی طور پر شادی شدہ بیوی ہےعالیہ کے خلاف اس کی ساس نے جائیداد کے تنازع پر مقدمہ درج کروایا تھا عالیہ کو اپنے ہی شوہر کے گھر میں گھسنے اور اپنے ساتھ ہونے والی زیادتیوں کے خلاف کسی قسم کا مقدمہ لڑنے کا کوئی حق یا آزادی نہیں ہے۔
عالیہ کے وکیل نے کہا کہ نواز الدین صدیقی کے منیجر کو میرا نوٹس ملا اور نواز کو بھی میرا نوٹس مل چکا ہے لیکن انہوں نے کبھی جواب دینے کی زحمت نہیں کی، وہ خاموش رہے اور دھمکیاں بھی دیں۔
بھارتی میڈیا کا کہنا ہے کہ نواز الدین صدیقی اور ان کی اہلیہ سے جڑے ان تمام مقدمات کی سماعت آئندہ ہفتے متوقع ہے۔
یاد رہے کہ عالیہ صدیقی سوشل میڈیا پر بھی اپنے اور بچوں کے ساتھ ہونے والے سلوک کے حوالے سے ویڈیوز پوسٹ کر کے مداحوں کو آگاہ کرتی رہتی ہیں۔

میرا نے ماہرہ اور ریما خان کے ساتھ اپنے اختلافات سے پردہ اُٹھا دیا

123-85.jpg

اہور: اداکارہ میرا نے پاکستان کی صفِ اول کی اداکارہ ماہرہ خان اور ریما خان سے اپنے اختلافات کے حوالے سے انکشاف کر دیا۔

حال ہی میں میرا ایک نجی پروگرام میں شریک ہوئیں جہاں انہوں نے شوبز سمیت اپنی ذاتی زندگی سے جڑے معاملات کے بارے میں کھل کر بات کی۔
ماہرہ خان اور ریما خان کے ساتھ اپنے اختلافات کے بارے میں بات کرتے ہوئے میرا نے بتایا کہ ان کی ماہرہ اور ریما کے ساتھ کوئی ذاتی لڑائی نہیں ہے بلکہ یہ صرف عوام کیلئے ہے۔
ان کا کہنا تھا کہ ’میں ہمیشہ سب کے لیے اچھا سوچتی ہوں چاہے وہ ماہرہ ہو یا ریما، ہماری سوچ میں اختلاف ہو سکتا ہے لیکن ہماری آپس میں کوئی ذاتی رنجش نہیں ہے، یہ تمام لڑائیاں اور رنجشیں عوام کے لیے ہوتی ہیں‘۔
میرا کا کہنا تھا کہ سوشل میڈیا استعمال کرنے والوں کے پاس اداکاراؤں اور مشہور شخصیات کے بارے میں ٹرولنگ اور بُرے تبصروں کے لیے کافی وقت ہوتا ہے۔
میرا نے کہا کہ کام کے محاذ پر وہ کسی کی دوست نہیں ہیں اور ان کی پوری کوشش ہوتی ہے کہ وہ اپنی ساتھی اداکاراؤں سے سخت مقابلہ کریں کیونکہ یہ ان کے کام کا حصہ ہے۔

فلم ’پٹھان‘ کی ریلیز پر تین سال قید ہوسکتی ہے، سینسر بورڈ نے خبردار کردیا

123-84.jpg

کراچی: سندھ بورڈ آف فلم سینسرز کے ایکشن پر بھارتی فلم ’پٹھان‘ کی کراچی میں غیرقانونی نمائش کو منسوخ کردیا گیا۔

سندھ بورڈ آف فلم سینسرز نے کراچی میں بھارتی فلم ’پٹھان‘ کی غیر قانونی نمائش کی خبروں کا نوٹس لیا تھا۔
سینسرز بورڈ کی جانب سے جاری بیان میں بتایا گیا کہ سوشل میڈیا کے ذریعے یہ علم ہوا ہے کہ فائر ورکس ایونٹس نامی کوئی ادارہ 4 فروری 2023 کو ڈی ایچ اے میں انڈین فلم پٹھان کی عوامی نمائش کا اہتمام کررہا ہے اور مذکورہ کمپنی نے فلم کے ٹکٹس بھی بک کرلیے ہیں۔
سندھ بورڈ آف فلم سینسرز کی جاری پریس ریلیز میں کہا گیا کہ کوئی بھی نجی پارٹی یا فرد کسی بھی فلم کی سرکاری یا پرائیوٹ سطح پر عام نمائش کا اہتمام کرنے کا حق نہیں رکھتا جب تک کسی فلم کو عوامی نمائش کے لیے باقاعدہ اجازت نامہ جاری نہ کیا گیا ہو۔
چیئرمین بورڈ خالد بن شاہین کا کہنا تھا کہ سندھ موشن پکچرز ایکٹ 2011 کا سیکشن 4 (10) کسی فلم کی پبلک یا پرائیویٹ نمائش کو ریگولیٹ کرتا ہے اور کوئی بھی بورڈ کی تصدیق کے بغیر فلم کی نمائش نہیں کرسکتا، اس لیے مناسب ہے کہ فلم پٹھان کی نمائش کو فوری طور پر منسوخ کردیا جائے۔
رپورٹ کے مطابق مذکورہ کمپنی کو جاری کیے گئے نوٹس میں خبردار کیا گیا ہے کہ اگر آپ مذکورہ بالا ایکٹ کی دفعات کی خلاف ورزی کرتے ہوئے پائے گئے تو ایسی خلاف ورزی سیکشن 18(1) کے تحت دی گئی سزا کے مترادف ہوگی، جس میں کہا گیا ہے کہ کوئی بھی فلم جس کی بورڈ سے تصدیق نہ کی گئی ہو، اس کی غیر قانونی نمائش کی صورت میں نمائش کنندہ کو تین سال قید یا 100,000 روپے جرمانہ یا دونوں سزائیں ایک ساتھ دی جاسکتی ہیں اور جرم جاری رکھنے کی صورت میں روزانہ کی بنیاد پر 10,000 روپے مزید جرمانہ لگایا جاسکتا ہے۔

ٹرانسجینڈر ایجنڈا پھیلانے پر ماریہ بی کی اداکارہ سجل علی پر شدید تنقید

123-48.jpg

کراچی: پاکستان کی معروف ڈیزائنر ماریہ بی نے اداکارہ سجل علی کو ٹرانسجینڈر ایجنڈا پھیلانے پر شدید تنقید کا نشانہ بنایا ہے۔

ماریہ بی نے انسٹاگرام پر پاکستانی ڈرامے ’ان کہی‘ کا ایک اسکرین شاٹ شیئر کرتے ہوئے لکھا ہے کہ ہمارے فنکار ’جوائے لینڈ‘ کو پروموٹ کرکے ٹرانسجینڈر ایجنڈا پھیلا رہے ہیں۔

Top