اسلام آباد میں سیکیورٹی ہائی الرٹ، عدالتوں کے باہر مظاہروں پر پابندی عائد

123-81.jpg

اسلام آباد: اسلام آباد میں سکیورٹی ہائی الرٹ اور عدالتوں کے گرد و نواح میں مظاہروں پر پابندی عائد کردی گئی ہے۔

ترجمان اسلام آباد کیپیٹل پولیس کے مطابق دہشت گردی اور دیگر خطرات کے پیش نظر سیکیورٹی ہائی الرٹ کرنے کے احکامات جاری کیے گئے ہیں۔
اسلام آباد میں قائم عدالتوں کے گرد و نواح میں مظاہروں پر پابندی بھی عائد کردی گئی ہے، عدالتوں کے احاطے میں صرف وکلاء، صحافیوں اور زیر سماعت مقدمات سے متعلقہ افراد کو داخلے کی اجازت دی جائے گی۔
پولیس کا کہنا ہے کہ وفاقی دارالحکومت میں دفعہ 144 نافذ العمل ہے، شہری کسی بھی غیر معمولی سرگرمی کی اطلاع 15 پر دیں۔

شیئر کریں

Top