امریکا میں 435 فٹ بلند جھولے سے گر کر 14 سالہ لڑکا ہلاک

12345-512.jpg

اورلینڈو(ویب ڈیسک) امریکا میں مجسمہ آزادی سے بھی بلند فری اسٹینڈنگ ڈراپ ٹاور جھولے سے گر کر 14 سالہ لڑکا ہلاک ہوگیا۔
امریکی میدیا کے مطابق ریاست اورلینڈو کے تفریحی پارک میں فری فال ٹاور جھولے کی کرسی میں کوئی مسئلہ تھا تاہم اس پر توجہ نہیں دی گئی اور رائیڈ چلادی گئی جس کے باعث 435 فٹ بلند جھولے سے ایک لڑکا گر کر ہلاک ہوگیا۔
سوشل میڈیا پر وائرل ہونے والی ویڈیو میں دیکھا جا سکتا ہے کہ جیسے ہی جھولا بلند ترین مقام پر پہنچتا ہے ایک لڑکا جھولے میں سے نیچے زمین پر گر جاتا ہے۔ 14 سالہ لڑکے کی موقع پر ہی ہلاکت ہوجاتی ہے۔
یہ جھولا گزشتہ برس ہی نصب کیا گیا تھا۔ جھولا سلنگ شاٹ گروپ کی ملکیت ہے جس کے سیلز ڈائریکٹر جان اسٹائن نے میڈیا کو بتایا کہ 14 سالہ لڑکے کی موت پر افسردہ ہیں اور غمزدہ خاندان کے دکھ میں برابر کے شریک ہیں۔
تفریحی پارک کے فری فال جھولا اور اس سے ملحق جھولے کو غیر معینہ مدت کے لیے بند کردیا گیا ہے جب کہ حادثے کی تحقیقات کے لیے ایک کمیٹی تشکیل دیدی گئی ہے۔

شیئر کریں

Top