ریکارڈمہنگائی سے عوام پریشان

موذی مرض کورونا نے جہاں پوری دنیا کی معیشت کو ہلا کر رکھ دیا ہے ترقی یافتہ ممالک نے بھی مہنگائی بڑھ چکی پاکستان کورونا کی خوفناک صورتحال سے نمٹنے میں کامیاب رہا اور سابق وزیراعظم نے کبھی بھی کرفیو جیسے لاک ڈائون کی حمایت نہیں کی کورونا کی خوفناک صورتحال کے موقع پر بھی انہوں نے کئی شعبے بحال رکھنے کا حکم دیا مگر افسوس کے ساتھ کہنا پڑتا ہے کہ خوشربا مہنگائی کے طوفان کو روکنے میں وہ کامیاب نہ ہو سکے عوام کی جانب سے بار بار مطالبات اور درخواست کے باوجود ملک میں آئے روز مہنگائی کا نہ رکنے والا طوفان دیکھا گیا سابق وزیراعظم عمران خان کے خلاف تحریک عدم اعتماد کی کامیابی کیلئے بھی پی ڈی ایم نے ملک میں مہنگائی بے قابو ہونے کا نعرہ لگاتے ہوئے سابق حکومت کے اتحادیوں کو اپنے ساتھ شامل کیا اور بلآخر پاکستان تحریک انصاف کی حکومت کے خلاف تحریک عدم اعتماد کامیاب ہو گئی سابق وزیراعظم عمران خان نے اپنے آخری ایام میں پٹرول کی قیمتوں میں کمی کر کے عوام کو ریلیف دینے کی کوشش کی مگر پی ڈی ایم کی حکومت نے آتے ساتھ پٹرولیم مصنوعات میں اس قدر اضافہ کر دیا کہ پاکستان کی تاریخ میں اتنی تیزی سے پٹرولیم مصنوعات کی قیمتوں میں اضافہ کبھی نہیں ہوا پٹرول اور ڈیزل کی قیمت میں اضافے کے بعد پبلک ٹرانسپورٹ سمیت مال بردار گاڑی مالکان نے بھی کرایوں میں تقریباً دو گنا اضافہ کیا یقیناً جب بھی پٹرول اور ڈیزل کی قیمتوں میں اضافہ ہوتا ہے تو کرایوں میں اضافہ یقینی مگر اس مرتبہ ٹرانسپورٹرز بلا خوف و خطر من مانے کرایے مانگنے لگے ہیں جس کیلئے اس سے قبل بھی ضلعی انتظامیہ کے گوش گزار کرا چکے ہیں کہ ٹرانسپورٹرز کی من مانیوں کو روکنے کیلئے کوئی میکنیزم ضرور بنانا ہو گا یہ درست ہے کہ موجودہ پی ڈی ایم کی حکومت کے آنے کے بعد عوام مہنگائی میں کمی کی امید لگائے بیٹھے تھے مگر عوام کی امیدوں پر اس وقت پانی پھر گیا جب پٹرول اور ڈیزل کی قیمتوں میں تقریباً 100 روپے فی لیٹر کر دیا گیا عوام وزیراعظم شہباز شریف سے پرزور مطالبہ کر رہے ہیں کہ مہنگائی کے قابو پانے سمیت کرایوں میں اضافے کے حوالے سے صوبائی و ضلعی انتظامیہ کو خصوصی ہدایات جاری کرتے ہوئے اس معاملے کو قابو کرنے کیلئے ٹاسک فورس بھی بنانے سے گریز نہیں کرنا چاہیے گزشتہ روز وزیراعظم شہبازشریف نے کہا ہے کہ ملک کو بحرانوں سے نکالنا اولین ترجیح ہے قوم پریشان نہ ہو مشکل سے نکل آئے دیوالیہ پن کا خطرہ ٹل گیا ہے ان کا مزید کہنا تھا کہ گیس کے بروقت سودے نہ ہونے کی وجہ سے لوڈشیڈنگ ہورہی ہے ،بجلی کی لوڈشیڈنگ کو خود مانیٹر کررہا ہوں ملک کو بحرانوں سے نکالنا اولین ترجیح ہے ، مشکل وقت میں ڈیپازٹ پر چین کے شکر گزار ہیں ہمیں ہمیشہ چین کا شکر گزار رہنا چاہیے اورد ن رات محنت کر کے ملک کو خوشحال اور قائد اعظم کا پاکستان بنائیں گے ۔سابقہ حکومت نے پاکستان کی معیشت کو برباد کیا، پی ٹی آئی حکومت نے آئی ایم ایف معاہدے کی دھجیاں اڑائیںاس کے علاوہ وزیراعظم شہبازشریف نے بجلی بحران میں کمی کے لیے بند پاور پلانٹس کو فوری طور پر بحال کرنے اور بجلی کی لوڈ شیڈنگ کی وجوہات واضح کرنے کا حکم دے دیا۔ اجلاس میں ملک بھر میں جاری بجلی کے بحران پر تبادلہ خیال کیا گیا جس میں وزیراعظم نے بند پاور پلانٹس کی فوری بحالی کا حکم دیا۔وزیراعظم شہباز شریف نے ہدایت دی کہ انھیں بجلی کی لوڈ شیڈنگ کے حوالے سے رپورٹ فوری طور پر پیش کی جائے جس میں لوڈشیڈنگ کو وجوہات واضح کی جائیں۔علاوہ ازیں وزیراعظم نے مزید ہدایت دی کہ صوبوں کو پینے کے پانی اور زرعی سہولیات کی فراہمی سے متعلق معاملات کو ترجیحی بنیادوں پر حل کیا جائے اور اس سلسلے میں ارسا صوبوں کے ساتھ باہمی مشاورت اور آزادی کے ساتھ فیصلہ کرے۔
پاکستان حالیہ دنوں سخت مالی مشکلات کا شکار اور موجودہ حکومت کے اقتدار سنبھالنے کے بعد افواہیں گردش کر رہی تھی کہ ملک دیوالیہ ہونے کے قریب پہنچ چکا ہے مگر وزیراعظم نے گزشتہ روز عوام کو خوشخبری دیتے ہوئے کہا کہ مشکل سے نکل آئے قوم پریشان نہ ہو دیوالیہ پن کا خطرہ ٹل گیا یہ پاکستان بھر کے عوام کیلئے ایک امید کی کرن اور موجودہ حکومت کے آنے کے بعد ایک بڑی خوصلہ افزا خبر تھی کیونکہ سری لنکا کے دیوالیہ ہونے کے بعد پٹرول اور ڈیزل کی شدید قلت جبکہ سری لنکن حکومت نے صرف سرکاری اور ضروری محکموں کو پٹرول مہیا کرنے سمیت سری لنکن عوام کو گھروں میں رہتے ہوئے آن لائن کام کرنے کے احکامات جاری کیے ہیں اس کے علاوہ دیوالیہ ہونے کے بعد سری لنکا کی معیشت کا برا حال اور ان کے وزراء قطر اور دیگر ممالک سے پٹرول کی خریداری کیلئے پوری جدوجہد کر رہے ہیں مگر تاحال صورتحال قابو سے باہر نظر آ رہی ہے پاکستان ایک ایٹمی ملک ہونے کے ساتھ ساتھ دنیا کی بڑی آبادی والا ملک ہے اگر خدانخواستہ پاکستان دیوالیہ ہو جاتا تو اس کے اثرات صرف پاکستان پر ہی نہیں بلکہ سب سے پہلے ہمسایہ ملک اور دنیا بھر پر ضرور پڑتے کیونکہ اتنے بڑے آبادی والا ملک دیوالیہ پن کا شکار ہو جاتا ہے تو یہ پوری دنیا کیلئے بھی خطرے کی گھنٹی بن کے رہ جائے گی موجودہ وفاقی حکومت ملک کی معیشت کو سہارا دینے کیلئے شب و روز محنت کرتے دیکھائی دے رہی ہے مگر افسوس کے ساتھ کہنا پڑتا ہے کہ وزیراعظم کے کفایت شعاری کے احکامات کو وفاقی و صوبائی وزراء پروا کیے بغیر درجنوں گاڑیوں کے قافلے میں گھومتے پھرتے نظر آ رہے ہیں وزیراعظم شہباز شریف کو کفایت شعاری کا آغاز وفاقی کابینہ سے سب سے پہلے کر کے دیکھانا ہو گا ملک بھر کے عوام بھی وزیراعظم کے فیصلوں کو قبول کرتے ہوئے پاکستان کو ترقی کی طرف دیکھنے کیلئے پر امید ہیں۔