قوی خان کے بیٹے عدنان خان کا والد کے انتقال کے بعد مداحوں کیلئے پیغام

123-420.jpg

ٹورنٹو: پاکستان شوبز کے لیجنڈری اداکار قوی خان کے بیٹے عدنان خان نے کینیڈا کے نجی چینل سے گفتگو کی جس میں انہوں نے اپنے والد کے مداحوں کیلئے پیغام دیا ہے۔

اداکار کی نماز جنازہ کی ادائیگی کے بعد ان کے بیٹے نے غیر ملکی میڈیا سے گفتگو کرتے ہوئے کہا کہ میں ان تمام لوگوں کا شکریہ ادا کرتا ہوں جو یہاں جنازے میں آئے، یہ میرے والد کے لیے ان کی محبت ہے، ان کی دعائیں ہمارے لیے بہت معنی رکھتی ہیں۔‘
عدنان خان کا کہنا تھا کہ ’میں اپنے والد کے اُن تمام مداحوں کا بھی شکریہ ادا کرتا ہوں جو پاکستان اور دنیا کے دیگر حصوں میں موجود ہیں، لوگوں نے ہمیں بے پناہ پیار اور دعائیں بھیجیں، میرے والد بہت خوش قسمت انسان تھے جنہیں لاکھوں لوگ پیار کرتے تھے۔‘
عدنان خان نے بتایا کہ ان کے والد اپنے آخری وقت میں پُرسکون تھے اور وہ اس دنیا سے پُرسکون رخصت ہوئے۔
یاد رہے کہ قوی خان گزشتہ ہفتے 80 سال کی عمر میں کینیڈا میں انتقال کر گئے تھے وہ اپنے علاج کے لیے کینیڈا گئے تھے۔ انہوں نے اپنے آخری ایام اپنے خاندان کے ساتھ گزارےاور کینیڈا میں ہی ان کی تدفین کی گئی ہے۔
لیجنڈری اداکار کی موت پر لاکھوں مداحوں نے دُکھ کا اظہار کیا جبکہ پاکستان شوبز سے وابستہ افراد نے بھی ان کے انتقال پر گہرے افسوس کا اظہار کیا۔

شیئر کریں

Top