بھارتی سنگھ نے سکھوں کی دل آزاری پر معافی مانگ لی

bhart.jpg

ممبئی: بھارت کی معروف کامیڈین بھارتی سنگھ نے کامیڈی کے دوران سکھوں کی دل آزاری ہونے پر معافی مانگ لی ہے۔
میڈیا رپورٹ کے مطابق خاتون کامیڈین کی ایک پرانی ویڈیو سوشل میڈیا پر وائرل ہوئی جس میں وہ داڑھی مونچھوں کے حوالے سے مذاق کرتی نظر آئیں۔ سکھ مذہب سے تعلق رکھنے والوں نے داڑھی مونچھوں سے متعلق کامیڈی پر شدید ردعمل دیا، ان کا کہنا ہے کہ خاص انداز میں داڑھی اور مونچھیں رکھنا ہماری پہنچان ہے بھارتی سنگھ نے ہمارا مذاق اڑیا۔
کامیڈین نے اپنا ویڈیو بیان جاری کرتے ہوئے کہا کہ میں کسی کا دل دکھانے کے لیے نہیں بلکہ خوش کرنے کے لیے کامیڈی کرتی ہوں، اگر میری کسی بات سے دل آزاری ہوئی ہے تو بہن سمجھ کر معاف کر دینا۔
ان کا کہنا تھا کہ آج کل ہر کوئی داڑھی رکھتا ہے، میں نے کسی کا نام لے کر مذاق نہیں اڑیا، کامیڈی کے دوران بس ایک عام سی بات کی تھی، میں خود بھی پنجابی ہوں، کسی کو نشانہ بنانا مقصد نہیں تھا۔

 

شیئر کریں

Top