رمضان میں دکانداروں کو گرانفروشی کی اجازت نہیںدی جائیگی،ایڈ منسٹریٹر گلگت

گلگت (بادشمال نیوز) ایڈ منسٹریٹر گلگت امیر تیمور نے کہا کہ رمضان المبارک کے مقدس مہینے میں گرانفروشی کی ہر گز اجازت نہیںدی جائے گی ، نہ ہی خود ساختہ مہنگائی کرنے دونگا سیکٹر مجسٹریٹس ، اپنے اپنے سیکٹرزمیں چیکنگ کا نظام سخت کرے جبکہ میٹ و فوڈ انسپکٹرز سرکاری نرخناموں پر عملدرآمد کیلئے روزانہ مارکیٹوں کا دورہ کریں،روزہ داروں کو مافیا کے ہاتھوں لٹنے نہیں دیں . ان خیالات کا اظہار انہوں نے جمعہ کے روز مجسٹریٹس ، میٹ ،فوڈ انسپکٹر ز اور پرائس کنٹرول کمیٹی کے ممبران کو ہدایات دیتے ہوئے کیا۔ انہوںنے پرائس کنٹرول کمیٹی کے سیکریٹری سیف الملوک کو روزانہ اشیائے خورد نووش ، سبزی ، فروٹس ، منڈیوں ، اور پراچہ وکریانہ جنرل سٹوروں پر نظر رکھیں اور روزانہ قیمتوں کا جائزہ لیکر رپورٹ دیںتاکہ سرکاری نرخناموںکی خلاف ورزی کرنے پر کاروائی میں مدد مل سکے ، انہوںنے کہا کہ آئے روز خو دساختہ مہنگائی کے خلاف عوامی شکایات لمحہ فکریہ ہے تاجر تنظیمیں اصلاح و احوال کیلئے ضلعی انتظامیہ کے ساتھ تعاون کریں۔ انہوںنے مقامی میڈیا کیلئے جاری بیان میں کہا کہ گرانفروشوں کیخلاف زیر و ٹالرنس ہے کوئی رعائت نہی ملے گی اشیائے خوردنوش کے نظر ثانی قیمتوں پر مشتمل نئے خوردہ قیمتوں پر مشتمل فہرستیں جاری ہوچکی ہیں اور تاجروں حضرات اپنے دکانوںاورجنر ل سٹوروں کے نمایاںجگہ پر چسپاں کرنے پر پابند ہیں لہذا عوام الناس سے درخواست ہے کہ وہ اشیائے لینے سے قبل تھوک و پرچون فروش دکانداروں سے نرخنامو ں کو دیکھانے کا تقاضہ کریں، جو بھی تھوک و پرچون تاجر پرائس کنٹرو ل کمیٹی کے جانب سے جاری نرخنامہ پر عملدرآ مد نہیں کرے گا اور مناسب جگہ پر چسپاں نہیں رکھے گا اسکے خلاف سخت کاروائی ہوگی ۔