ملکی سطح پر سونے کے نرخ میں معمولی کمی

123-331.jpg

کراچی: بین الاقوامی بلین مارکیٹ میں فی اونس سونے کی قیمت 4 ڈالر کے اضافے سے 1871 ڈالر کی سطح پر آنے کے باوجود مقامی صرافہ مارکیٹوں میں پیر کو فی تولہ اور فی دس گرام سونے کی قیمتوں میں بالترتیب 200 روپے اور 172 روپے کی کمی واقع ہوئی۔

نتیجے میں ملکی سطح پر فی تولہ سونے کی قیمت گھٹ کر ایک لاکھ 85 ہزار 100 روپے اور فی دس گرام قیمت گھٹ کر ایک لاکھ 58 ہزار 693 روپے کی سطح پر آگئی۔

اس کے برعکس فی تولہ چاندی کی قیمت بغیر کسی تبدیلی کے 2070 روپے اور دس گرام چاندی کی قیمت بھی بغیر کسی تبدیلی کے 1774.70 روپے کی سطح پر مستحکم رہی۔

شیئر کریں

Top