کراچی میں لوٹ مار اور ڈکیتیوں میں ملوث ڈھائی ہزارکے قریب ملزمان 44 ہزار کی نفری والے محکمہ پولیس کےلیے چیلنج بن گئے۔
کراچی کے شہریوں کو راہ چلتے لٹنے کا خوف ستانے لگا اور گھروں میں بھی ڈکیتیوں کا ڈر ہے۔
رواں برس شہر قائد میں 474 مکانوں میں ڈکیتیاں ہوئیں اور سب سے زیادہ 129 ڈکیتیاں ضلع غربی میں ہوئیں۔
شہر کی سڑکوں پر ڈکیتی کی 3784 وارداتیں ہوئیں جن میں سے صرف 1116 کے معاملات حل ہوئے، چند ملزمان گرفتار ہوئے لیکن سامان کی ریکوری نہ ہونے کے برابر رہی۔
جرائم کی شرح میں مسلسل اضافے نے کراچی والوں کی اذیت بڑھادی ہے۔
